Dette treng de

• Finn ut kva program de skal lage tidslinjene i, og test det ut sjølv. Ligg det ei løysing klar i programvara skolen abonnerar på?
• Lag klåre oppgåver for elevane med ramar for tid og rom. Lag gjerne oppgåva som ei tidslinje med små oppgåver som elevane kan følje. Ei tidslinje gjer arbeidet oversikteleg for elevane og bryt opp oppgåva i overkommelege steg. Tidslinja må til dømes ha ein tittel, ein introduksjon, bilde, tekstar, lenker til informasjon, eventuelt filmar og kart og ei oppsummering.
• Legg lista passe høgt for kor djupt elevane skal grave. Bruk tidslinja som eit reiskap for å gi dei betre oversikt, utan å vente at dei skal få full kontroll på temaet.
• Lag ei liste med aktuelle kjelder elevane kan nytte for å finne den informasjonen dei treng. Be dei om å skrive inn i tidslinja kvar informasjonen kjem frå.